தேனி மாவட்டம் ஆண்டிபட்டி வட்டாரத்தில் உள்ள கடமலை மயிலை ஒன்றியத்தில் கடமலை மயிலை ஒன்றியத்தில் கடமலைக்குண்டு பஸ் நிலையத்திலிருந்துதேனி சாலையில் புதிய உழவர் காய்கறிசந்தை துவக்கப்பட்டது .

தேனி மாவட்டம் ஆண்டிபட்டி வட்டாரத்தில் உள்ள கடமலை மயிலை ஒன்றியத்தில் விவசாயிகளின் நீண்ட கோரிக்கையாக உழவர் சந்தை அமைக்க வேண்டும் என்ற கோரிக்கை இருந்து வந்துள்ளது. அதனடிப்படையில் கடமலை மயிலை ஒன்றியத்தில்  கடமலைக்குண்டு பஸ் நிலையத்திலிருந்துதேனி சாலையில் புதிய உழவர் காய்கறிசந்தை துவக்கப்பட்டது .இதுகுறித்து தேனி மாவட்ட  இயற்கை வேளாண்மை  உற்பத்தியாளர்கள் சங்க தலைவர்  செந்தில் குமார் அவர்களிடம் கூறியபோது இந்த உழவர் சந்தையில் நூற்றுக்கும் மேற்பட்ட கடைகள் தற்பொழுது செயல்படுகிறது இந்த உழவர் சந்தையில் விவசாயிகள் தன்னுடைய தோட்டத்தில் விளையும் பொருட்களை நேரடியாக வந்துவிவசாய காய்கறிசந்தையில் விற்பனை செய்வதால் விவசாயிகளுக்கு நல்ல லாபமும் பொதுமக்களுக்கு குறைவான விலையில் தரமான காய்கறிகள் கிடைக்கின்றன. இந்த காய்கறிசந்தை திறப்பதற்குமுன்னாள் தேனி ஆண்டிபட்டி மற்றும் சின்னமனூர் ஆகிய பகுதிகளுக்கு பொதுமக்கள் வாங்கி வந்தனர் தற்போது தங்கள் கிராமத்தில் சந்தை திறந்து உள்ளதால் கடமலை மயிலை ஒன்றியத்திலுள்ள நூற்றுக்கும் மேற்பட்ட கிராம மக்கள் இந்த சந்தையில் வந்து குறைந்த விலையில் காய்கறிகள் வாங்கி பயனடைந்து வருகின்றனர் என்று கூறினார்.

ஆக்கிரமிப்பு மற்றும் கட்டிடக் கழிவுகளில் சிக்கி தவிக்கும் மேலப்பாளையம் ரெட்டியார்பட்டி சாலை மாநகராட்சி நடவடிக்கை எடுக்குமா*???

*

மேலப்பாளையத்தின் மிக முக்கிய சாலைகளில் தற்போது ரெட்டியார்பட்டி சாலையும் ஒன்றாக இருந்து வருகிறது.  மேலப்பாளையம் நகரின் விரிவாக்க பகுதியான இந்த சாலையில் தான் பல்வேறு குடியிருப்புகள், பள்ளிக் கூடங்கள், பூங்காக்கள், நிறைய உள்ளன.

இந்த பிரதான சாலையே மக்கள் அதிக அளவில் பயன்படுத்தி வருகின்றனர், 80 அடி அகலம் கொண்ட இந்த *ரெட்டியார்பட்டி சாலை தற்போது அதன் ஆரம்ப பகுதியான சந்தை பகுதியிலேயே தனி நபர்களால் ஆக்கிரமிப்பு செய்யப்பட்டு* தற்போது *இந்த சாலை 40 அடியாக சுருங்கி விட்டது,*
இது மட்டுமல்லாமல் ஆங்காங்கே கட்டிட கழிவுகளும் சாலையை ஆக்கிரமித்துள்ளது. அதுவும் *தாய் நகர் பூங்கா அருகே கொட்டப்பட்ட கட்டிடக் கழிவுகள் மற்றும் கருவேல மரங்களால் விபத்து ஏற்படும் அபாயம் உள்ளது.*

மாநகராட்சி சட்டப்படி பொது இடங்களில் கட்டிட கழிவுகள் கொட்டினால் அபராதம் விதிக்கும் அதிகாரம் மாநகராட்சிக்கு இருந்தும் இது வரை நடவடிக்கை எடுக்காதது வேதனையாக உள்ளது என்று பொது மக்கள் கூறுகின்றார்கள்...

இன்று தினகரன் பத்திரிகையில் வெளியான மாநகராட்சி செய்தி குறிப்பில், சாலையோரங்களில் கட்டிட கழிவுகளை கொட்டும் பட்சத்தில் சம்பந்தப்பட்ட கட்டிட உரிமையாளருக்கு மாநகராட்சியால் அபராதம் விதிக்கப்படும் என்று கூறப்பட்டுள்ளது.

இதனடிப்படையில், *மேலப்பாளையம் மண்டல உதவி செயற் பொறியாளர் ரெட்டியார்பட்டி சாலையில் கட்டிட கழிவுகளை சேமித்து வைத்தவர் மீது நடவடிக்கை எடுப்பாரா ???

மாநில அளவில் மாற்று திறனாளிகளுக்கான செஸ் போட்டியில் வெற்றி பெற்ற நெல்லை மாணவிக்கு விமன்ஸ் இந்தியா மூவ்மெட் வாழ்த்து.

சேலத்தில் மாநில அளவிலான மாற்று திறனாளி மாணவர்களுக்கான செஸ் போட்டியில் நெல்லையை சேர்ந்த குலவணிகர்புரம் காது கேளாதோர் பள்ளி மாணவி   சௌபியா பானு சப்ஜூனியர் பிரிவில்  முதலிடம் பெற்றார். வெற்றி பெற்ற மாணவியை வாழ்த்தும் விதமாக எஸ்.டி.பி.ஐ கட்சியின் மகளிர் பிரிவான விமன்ஸ் இந்தியா மூவ்மெட் நெல்லை கிழக்கு மாவட்ட செயலாளர் மஹ்முதா ரினோசா தலைமையில்    நிர்வாகிகள் சந்தித்து வாழ்த்துக்கள்  கூறினர். இந்நிகழ்வில் பர்கிட்மாநகரம் கிளை நிர்வாகிகள் .  ஜமாத்தார்கள் உள்ளிட்டோர் கலந்து கொண்டனர்.

தேனி மாவட்டத்தில் பெருந்தலைவர் காமராஜரின் 117 ஆவது பிறந்தநாளை முன்னிட்டு நாடார் சரஸ்வதி கல்விக்குழுமங்கள் சார்பாக மினி மராத்தான் போட்டி நடைபெற்றது .

இந்த போட்டியில் பதினேழு,பதினெட்டு வயது உள்ளவர்களுக்கும், பெண்களுக்குமான தனிப்பிரிவு போட்டிகளும் நடத்தப்பட்டு பரிசுகள் வழங்கப்பட்டன.இந்த மூன்று பிரிவுகளாக நடத்தப்பட்ட மினி மராத்தான் போட்டியினை தேனி மாவட்ட காவல்துறை கண்காணிப்பாளர் பாஸ்கரன் அவர்கள் காமராஜர் சிலைக்கு மாலை அணிவித்து மரியாதை செய்து மாரத்தான்  போட்டிகளை கொடியசைத்து துவக்கி வைத்தார். இந்த மாரத்தான் போட்டியில் 19 வயது உள்ளவர்களுக்கு ஐந்து கிலோ மீட்டரும், 17 வயதுள்ளோருக்குக்கு நான்கு கிலோ மீட்டரும், பெண்களுக்கான மாரத்தான் போட்டி மூன்று கிலோ மீட்டரும் நடத்தப்பட்டது.இந்த மினி மாரத்தான் போட்டியில் 600 பேர் கலந்து கொண்டனர்.

17 வயதுக்கு உட்பட்டவர்கள் மினி மாரத்தான் போட்டியில் 4 கிலோமீட்டர் வரை நடத்தப்பட்ட போட்டியில் பி.ஸ்ரீராம் முதல் பரிசும், பாலகுருநாதன் இரண்டாம் பரிசும்,  மதன் மூன்றாம் பரிசும் பெற்றனார்.

19 வயதுக்கு உட்பட்டவர்களுக்கு நடத்தப்பட்ட போட்டிகளில் எம்.பெருமாள் முதல் பரிசும் ,விக்னேஸ்வரன் இரண்டாம் பரிசும் மனோஜ்குமார் மூன்றாம் பரிசும் பெற்றனார். பெண்களுக்காக நடத்தப்பட்ட மாரத்தான் போட்டியில்
கனிஷ்கர்கனி முதல் பரிசும் ராஜமதுமிதா இரண்டாம் பரிசும், தீபா ராணி மூன்றாம் பரிசும் பெற்றனார்.மாரத்தான் போட்டியில் முதலிடம் பிடித்தவர்களுக்கு ரூ 5,000 ரூபாய் ரொக்கப் பணமும்,, இரண்டாமிடம் பிடித்தவர்களுக்கு 3 ஆயிரம் ரூபாய் ரொக்க பணமும் ,மூன்றாம் இடம் பிடித்தவர்களுக்கு ரூபாய் இரண்டாமிடமும்,அதன் பின் வந்த மூன்று பிரிவின் கீழ் உள்ளவர்களுக்கு சுமார் 100 நபர்களுக்கு டீசர்ட் வழங்கப்பட்டது. பரிசுகளை தலைவர் முருகன் பொருளாளர் பழனிச்சாமி,
உபதலைவர் பாலகிருஷ்ணன் ஆகியோர் வழங்கினர்.          பின்பு நடைபெற்ற மாணவர்களின் காமராஜர் ஆட்சி காலத்தில் நடைமுறைப்படுத்தப்பட்ட நலத்திட்டங்கள் அணைகள் பள்ளிக்கூடங்கள் கல்லூரிகள் தொழிற்சாலைகள் மதிய உணவுத் திட்டம் போன்ற நலத்திட்டங்களை காட்சிப்படுத்தும் வாகன ஊர்வலமும்மற்றும் ஆயிரத்திற்கும் மேற்பட்ட பள்ளி மாணவ மாணவியர்கள் கலந்து கொண்ட ஊர்வலமும் பள்ளியில் தொடங்கி தேனி நேரு சிலைவழியாக முக்கிய வீதிகளில் ஊர்வலமாகச் சென்று பள்ளியை வந்தடைந்தனர் பின்பு நாடார் சரஸ்வதி பள்ளியில் ரத்ததான முகாமினைதேனி மருத்துவக்கல்லூரி மருத்துவமனை முதல்வர் ராஜேந்திரன் அவர்கள் தொடங்கி வைத்தார்கள் அந்த ரத்ததான முகாமில் காமராஜரின் பேத்தி கமலிகா அவர்கள் கலந்துகொண்டு ரத்த தானம் செய்தார். அந்த பள்ளியில் நடைபெற்ற இரத்ததான முகாமில் அரசு ஊழியர்கள் காவல்துறை சமூக ஆர்வலர்கள் சுமார் 400 பேர் கலந்துகொண்டு ரத்ததானம் செய்தார்கள் ரத்த தானம் செய்த அனைவருக்கும் மரக்கன்றுகளும் சான்றிதழும் வழங்கப்பட்டது அதனை தொடர்ந்து நாடார் சரஸ்வதி பள்ளியில் அமைக்கப்பட்டுள்ள காமராஜரின் திருவுருவ சிலைக்கு பள்ளி நிர்வாகிகள் .அரசியல் தலைவர்கள் சமூக செயல்பாட்டாளர்கள் மற்றும் சமூக ஆர்வலர்கள் அரசு ஊழியர்கள் ஆசிரியர்கள் மாணவர்கள் என அனைவரும்  காமராஜரின் திருவுருவ சிலைக்கு மாலை அணிவித்து மரியாதை செலுத்தினார்.

கோவில் தரிசன கட்டணத்தை ரத்து செய்ய கோரி ஆண்டிபட்டியில் இந்து முன்னணி சார்பில் ஆர்ப்பாட்டம்.

    ஆண்டிபட்டியில் இந்து முன்னணி அமைப்பின் சார்பில் இந்து கோவில்களில் ஆலய தரிசன கட்டணம் உள்ளிட்ட பல்வேறு கோரிக்கைகளை வலியுறுத்தி ஆர்ப்பாட்டம் நடைபெற்றது.
    ஆர்ப்பாட்டத்திற்கு இந்து முன்னணி தேனி கிழக்கு மாவட்ட செயலாளர் டாக்டர் எஸ்.பி.எம். செல்வம் தலைமை தாங்கினார். மாவட்ட செயற்குழு மொக்கராஜ் முன்னிலை வகித்தார்.கூட்டத்தில் ஒன்றிய துணை தலைவர் கண்ணன் வரவேற்றுப் பேசினார். மாவட்ட செயலாளர் உமையராஜன், மாவட்ட பொதுசெயலாளர் முருகன், தேனி ஒன்றிய தலைவர் திலகராஜ் நிர்வாகிகள் கார்த்திக், நாகராஜ், ரவி, முனீஸ்வரன் ஆகியோர் ஆர்ப்பாட்டத்தை விளக்கி பேசினார்கள். கூட்டத்தில் ஆண்டிபட்டமாவூற்று வேலப்பர் கோவில் கும்பாபிசேகத்தை நடத்த வேண்டும். இந்து கோவில்களில் தரிசன கட்டணம் உள்ளிட்ட பல்வேறு கட்டணங்களை ரத்து செய்ய வேண்டும் என்பது உள்ளிட்ட பல்வேறு கோரிக்கைகளை வலியுறுத்தி கோசங்கள் எழுப்பப்பட்டது.கூட்டத்தில் தேனி மாவட்ட அன்னையர் அணி, ஆட்டோ டிரைவர்கள் அணி உள்பட மாவட்ட , ஒன்றிய, நகர நிர்வாகிகள், தொண்டர்கள் உள்பட பலர் கலந்து கொண்டனர்.

சேலத்தில் நடைபெற்ற மாநில அளவிலான மாற்று திறனாளிகளுக்கான செஸ் போட்டி நெல்லை மாணவி முதலிடம்.

மாநில அளவிலான மாற்று திறனாளிகளுக்கான செஸ் போட்டி சேலத்தில் நடைபெற்றது. இதில் தமிழகம் முழுவதிலும் இருந்து மாற்று திறனாளி மாணவர்கள் கலந்து கொண்டனர். இதில் சப் ஜூனியர் பிரிவில் பாளை குலவணிகர்புரம் காது கேளாதோர் பள்ளி மாணவி முகமது சௌபியா பானு முதல் பரிசை வென்றார்.

புளியரை யெஸ் (S) வளைவு பகுதியில் இரு சக்கர வாகன ஓட்டிகள் தினந்தோறும் இரவு நேரங்களில் மோசமான சாலையில் உள்ள பள்ளத்தில் விழுந்து விபத்து ஏற்படும் நிலை

நெல்லை மாவட்டத்தில் தமிழக கேரள எல்லையான புளியரை யெஸ் (S) வளைவு பகுதியில் இரு சக்கர வாகன ஓட்டிகள் தினந்தோறும் இரவு நேரங்களில் மோசமான சாலையில் உள்ள பள்ளத்தில் விழுந்து விபத்து ஏற்படும்  நிலை உள்ளது. தேசிய நெடுஞ்சாலை துறை அதிகாரிகள் நடவடிக்கைகள் எடுக்க வாகன ஓட்டிகள் கோரிக்கை.