விநாயகர் சதுர்த்தியை முன்னிட்டு நெல்லை அரசு அருங்காட்சியகத்தில் வண்ண களிமண் கொண்டு அழகிய விநாயகர் சிலை மற்றும் பூஜை பொருட்கள் தயாரிக்கும் பயிற்சி

விநாயகர் சதுர்த்தியை முன்னிட்டு நெல்லை அரசு அருங்காட்சியகத்தில் வண்ண களிமண் கொண்டு அழகிய விநாயகர் சிலை மற்றும் பூஜை பொருட்கள் தயாரிக்கும் பயிற்சி இன்று நடைபெற்றது. இப்பயிற்சியில் வண்ண களிமண் கொண்டு அழகிய விநாயகர், மூஞ்சுறு மற்றும் பழங்கள் முதலிய பொருள்கள் தயாரிப்பது தொடர்பான பயிற்சி நடத்தப்பட்டது. இப் பயிற்சி கலை ஆசிரியர் கார்த்திஷ்வரி அவர்களால் நடத்தப்பட்டது. சிறியவர்கள் முதல் பெரியவர்கள் வரை அனைவரும் மிகவும் ஆர்வத்துடன் இப் பயிற்சியினை மேற்கொண்டனர்.

எஸ்.டி.பி.ஐ. கட்சி ஆலங்குளம் தொகுதி செயற்குழு கூட்டம்

எஸ்.டி.பி.ஐ. கட்சி ஆலங்குளம் தொகுதி செயற்குழு கூட்டம்
நடைபெற்றது
தொகுதி தலைவர் பத்தி ஹாஜா அவர்கள் தலைமையில் 30/08/19  அன்று மாலை 06:30 மணியளவில் கட்சியின் முதலியார்பட்டி அலுவலகத்தில்  வைத்து நடைபெற்றது

தொகுதி பொருளாளர் துரைமுன்னா இப்ராஹிம் அவர்கள் வரவேற்புரை  ஆற்றினார்கள்
 தொகுதி துணை தலைவர் செய்யது பாஸில்,  செயலாளர் அப்துல் அஜீஸ் முன்னிலை வகித்தனர்,
கூட்டத்திற்கு சிறப்பு அழைப்பாளராக நெல்லை  மாவட்ட தலைவர் எஸ்.எஸ்.எ.கனி அவர்கள் கலந்து கொண்டு சிறப்புரை ஆற்றினார்
இக்கூட்டத்தில் கீழ் கண்ட தீர்மானங்கள் நிறைவேற்றப்பட்டது
1,தொகுதி இணை செயலாளராக முதலியார் பட்டி ஜாஹிர் உசேன் நியமிக்கப்பட்டார்

2. ஆலங்குளம் தொகுதிக்கு உட்பட்ட இரவணசமுத்திரம் , முதலியார்பட்டி , பொட்டல்புதூர் , பள்ளக்கால் புதுக்குடியிருப்பு மற்றும் சம்பன்குளம் போன்ற பகுதிகளில் பார்டி கன்வென்ஷன் நடத்த வேண்டும்

 3. வருகின்ற உள்ளாட்சி தேர்தலில் தொகுதியில் உள்ள இரவணசமுத்திரம் , முதலியார்பட்டி , பொட்டல்புதூர் , பள்ளக்கால் புதுக்குடியிருப்பு மற்றும் சம்பன்குளம் நகரம் சார்பாக போட்டியிடும் இடங்களில் பூத் கமிட்டி நியமனம்

4.  இரவணசமுத்திரம் பகுதியில் மகளீர் அணி சார்பாக தெருமுனை கூட்டம் நடத்துவது

5.இரவணசமுத்திரத்தில் நாளை மறுநாள்  ஞாயிற்று கிழமை நடைபெற உள்ள திப்புசுல்தான்விளையாட்டு  திடலை திறந்து வைக்கும் நிகழ்ச்சிக்கு மாவட்ட பொதுச் செயலாளர் கோட்டூர் பீர் மஸ்தான் அவர் களை அழைப்பது ,

6.காந்திநகரில் 30 ஆண்டுகளாக அமைக்கப்படாத கழிவுநீர் கால்வாய் உடனடியாக அரசு அமைத்து தரவும் தீர்மானம் நிறைவேற்றபட்டது.

செயற்குழு கூட்டத்தில்

முதலியார்பட்டி மேற்கு கிளை தலைவர் ஹாஜா மைதீன் (எ) ஹாஜி ,
பொட்டல்புதூர் நகரத் தலைவர் பி.எஸ்.பைசல் ,
பள்ளக்கால்புதுக்குடியிருப்பு நகரத் தலைவர் சேக் செய்யது அலி ,
பள்ளக்கால் நகர துணைத்தலைவர் செய்யது அலி , கலந்து கொண்டனர்.

இறுதியாக  இரவணசமுத்திரம் நகர செயலாளர் இரவணை உசேன் அவர்கள் நன்றி உரை ஆற்றினார்கள்

திருநெல்வேலி வரலாற்று பண்பாட்டு கள ஆய்வு மையத்தின் முதல் ஆலோசனை கூட்டம்

www.nellaijustnow.com
திருநெல்வேலி வரலாற்று பண்பாட்டு கள ஆய்வு மையத்தின் முதல் ஆலோசனை கூட்டம் இன்று நெல்லை அரசு அருங்காட்சியகத்தில் நடைபெற்றது திருநெல்வேலி மற்றும் தூத்துக்குடி மாவட்டத்தில் உள்ள கலை மற்றும் அறிவியல் கல்லூரியில் தமிழ்த்துறை மற்றும் வரலாற்று துறையில் பயிலும் மாணவ மாணவிகள் பலர் கலந்து கொண்டனர் அதன் ஒருங்கிணைப்பாளர் மாரியப்பன் அனைவரையும் வரவேற்று பேசினார் நெல்லை அரசு அருங்காட்சியகத்தில் காப்பாட்சியர்
சிவ. சத்திய வள்ளி திருநெல்வேலி மாவட்டத்தின் தொன்மையையும் பண்பாட்டினையும் மாணவ மாணவிகளுக்கு  எடுத்துரைத்தார்.
அருங்காட்சியகத்தில் உள்ள அரும் பொருள்களின் பெருமைகளையும் மாணவ-மாணவிகளுக்கு எடுத்துரைத்தார்.

புதிய மோட்டார் வாகன சட்டத்தை எதிர்த்து எஸ்.டி.டி.யூ தொழிற்சங்கத்தினர் ஆர்ப்பாட்டம்

நெல்லை மாவட்டம் மேலப்பாளையத்தில் எஸ்.டி.டி.யூ தொழிற்சங்கத்தினர் சார்பாக  வாகன காப்பீடு, மற்றும் வாகன
வரிகளை உயர்த்தி  ஏழை மோட்டார்
தொழிலார்களின் வயிற்றில் அடித்து மோட்டார் வாகன தொழிலை அழிக்கின்ற மத்திய மாநில அரசுகளை கண்டித்து மேற்படி வாகன காப்பீடு. மற்றும் வாகன வரிகளை திரும்ப பெற கோரியும் , மோட்டார் வாகன தொழிலை காப்பாற்ற வலியுறுத்தியும் எஸ்.டி.டி.யூ தொழிற்சங்க மாவட்ட செயலாளர் பசீர்லால் தலைமையில் கண்டன ஆர்ப்பாட்டம் மேலப்பாளையம் சந்தை ரவுண்டானாவில் நடைபெற்றது. மாவட்ட பொருளாளர் செய்யது மைதீன் வரவேற்புறை நிகழ்த்தினார். இந்த கண்டன ஆர்ப்பாட்டத்தில் சங்கத்தின் மாநில பொது செயலாளர் அஜீத் ரஹ்மான். மாநில செயலாளர் சாந்து இப்றாஹிம் எஸ்.டி.பி.ஐ கட்சியின் மாவட்ட செயலாளர் பேட்டை முஸ்தபா ஆகியோர் கண்டன உரையாற்றினார்.
இதில்  எஸ்.டி.பி.ஐ மாவட்ட தலைவர் எஸ்.எஸ்.எ கனி  தொழிற்சங்க  மாவட்ட இணை செயலாளர் ஜாபர் சாதிக்
ஏர்வாடி சேக் இஸ்மாயில்  பாளை சிந்தா மற்றும் எஸ்.டி.டி.யூ உறுப்பினர்கள் 200 கும் மேற்பட்டோர் திரளாக கலந்து கொண்டனர். மாநில பொது செயலாளர் அஜீத் ரகுமான் தனது உரையில் கூறியதாவது.பணமதிப்பு இழப்பீடு மற்றும் ஜி.எஸ்.டி. போன்ற தவறான  பொருளாதார கொள்கையால் நாட்டின் பொருளாதாரம் வீழ்ச்சி அடைந்துள்ளது.  லட்சக்கணக்கான  தொழிலாளர்கள் வேலையிழந்து உள்ளனர்.போராடி பெற்ற தொழிலாளர் உரிமைகள்  மோடி அரசால்  கார்ப்ரேட் நிறுவனங்களிடம் அடகு வைக்கபடுகிறது. டாடா, பிரிட்டானியா ,பார்லே போன்ற நிறுவனங்கள் அரசின் தவறான பொருளாதார கொள்கையால் தடுமாறுகிறது.  கார்ப்ரேட்களுக்கு ஆதரவான மோட்டார் வாகன சட்ட திருதங்களால்  மோட்டார் வாகன தொழில் அழியும் சூழல் உருவாகி உள்ளது. என கூறினார்.

சாலையோரம் கவனிப்பாரற்று கிடந்த முதியவரை மீட்டு மறுவாழ்வளித்த SDPI கட்சியினர் !

 நெல்லை மாவட்டம் பொட்டல்புதூரில் சுமார் 60 வயது மதிக்கத்தக்க ஆனை குளத்தை சேர்ந்த ஆதரவற்ற முதியவர் ஒருவர் சாலையோரம் கவனிப்பாரற்று கிடந்ததை கவனித்த  அன்வர் சாதிக் என்பவர்  உடனடியாக SDPI கட்சியினருக்கு  தகவல் தெரிவிக்கவே சம்பவ இடத்திற்கு வந்த
#SDPI செயல்வீரர்கள், மற்றும் தமுமுக சகோதரர்கள் மற்றும் ஊர் பொதுமக்கள் என அனைவரும் ஒன்றுதிரன்டு, பாதிக்கப்பட்ட முதியவரை மீட்டு சுத்தப்படுத்தி, காயங்களுக்கு மருந்து வைத்து காவல்துறை உதவியுடன் அருகிலுள்ள ஆழ்வார்குறிச்சி என்ற ஊரில்  செயல்படும் ஆசிரமத்தில் கொண்டு போய் சேர்த்தனர். ஆதரவற்ற முதியவரை மீட்டு தேவையான உதவிகளை செய்த சகோதரர்களின் பணியை பொதுமக்கள் வெகுவாக பாராட்டினர்...

திருத்தியமைக்கப்பட்ட தேசிய காசநோய் தடுப்புத்திட்டம், தூத்துக்குடி மற்றும் கடம்பூர் காசநோய் அலகு சார்பில் காசநோய் விழிப்புணர்வு நிகழ்ச்சி

திருத்தியமைக்கப்பட்ட தேசிய காசநோய் தடுப்புத்திட்டம், தூத்துக்குடி மற்றும் கடம்பூர் காசநோய் அலகு சார்பில்  கயத்தார் ஒன்றிய அலுவலகத்தில் காசநோய் விழிப்புணர்வு நிகழ்ச்சி நடைபெற்றது.

 பஞ்சாயத்து அலுவலர்கள் மற்றும் சுய உதவிக் குழுக்களை சேர்ந்த உறுப்பினர்கள் இந்நிகழ்ச்சியில் கலந்து கொண்டனர். வட்டார சுகாதார மேற்பார்வையாளர் கணேசன் வரவேற்று பேசினார்.கயத்தார் மருத்துவ அலுவலர் திலகவதி,  மற்றும் கடம்பூர் மருத்துவ அலுவலர் அருண் விஸ்வநாத் ஆகியோர் முன்னிலை வகித்தனர்.

தலைமை வகித்து பேசிய மாவட்ட காசநோய்த் துறையின் துணை இயக்குநர் மருத்துவர்.சுந்தரலிங்கலிங்கம்,  காசநோயை  ஒழிப்பதன் அவசியம் குறித்தும் காசநோயால் உடலில் ஏற்படும் பாதிப்புகள் பற்றி எடுத்துக்கூறினார்

காசநோயின் அறிகுறிகள் மற்றும் கண்டுபிடிக்கும் முறைகளையும் அரசு மருத்துவமனையில் காசநோய்க்கு அளிக்கப்படும் சிகிச்சை முறைகள் பற்றி எடுத்துரைத்தார்.

 மேலும் காசநோயாளிகள் சத்தான உணவுகளை உட்கொள்ள அரசு  மாதம் தோறும் நோயாளிகள் வங்கிகணக்கில் செலுத்தி வரும் உதவி தொகை பற்றியும் காசநோயற்ற இந்தியாவை 2025 ல் உருவாக்குவதன் அவசியம் குறித்தும் விளக்கினர்.

 முதுநிலை காசநோய் சிகிச்சை மேற்பார்வையாளர் கு.காசிவிஸ்வநாதன் நன்றி கூறினார்

                இவ்விழாவில் கயத்தார் அரசு ஆரம்ப சுகாதார நிலைய சுகாதார ஆய்வாளர் விஜயகுமார்,
தூத்துக்குடி மாவட்ட காசநோய் மைய தீர்வு முறை அமைப்பாளர் குப்புசாமி, 
  அரசு மற்றும் தனியார் துறை ஒருங்கிணைப்பாளர் மோகன் ஆகியோர் கலந்து கொண்டனர். 

        இவ் விழாவிற்கான ஏற்பாடுகளை முதுநிலை காசநோய் சிகிச்சை மேற்பார்வையாளர் கு.காசிவிஸ்வநாதன் மற்றும் முதுநிலை காசநோய் ஆய்வக மேற்பார்வையாளர் இசக்கி மகாராஜன் ஆகியோர்  செய்திருந்தனர்.

தேசிய கண்தானவிழா மனிதசங்கிலி...

தேசிய கண்தானவிழாவை முன்னிட்டு நெல்லை அகர்வால் கண் மருத்துவமனை சார்பில் விழிப்புணர்வு மனித சங்கிலி நிகழ்ச்சி நடந்தது. இதில் நெல்லை மாநகர காவல் துணை ஆணையாளர் சரவணன், டாக்டர். லயனல்ராஜ் கலந்துகொண்டனர்...